Urpeko ibilgailu autonomoak
Gliderrak urpeko ibilgailu autonomoak dira, flotagarritasun-aldaketak eta pisuaren barne-banaketak erabiliz mugitzen eta orientatzen direnak, helize edo propultsatzaile tradizionalen ordez. Horrela, ingurune isil batean neurketak egin daitezke eta itsasoan autonomia handiagoa lortzen dute. Ibilgailu hauek estaldura espazial eta iraupen luzeko behaketak egiteko aukera ematen dute, ozeanoan laginketa-misioak orduetatik aste edo hilabeteetara luzatuz eta ehunka kilometroko distantziak hartuz.
AZTIren ibilgailu autonomoen sistema 2022an sortu zen, eta ordutik misioak egin dira Bizkaiko Golkoan; hidrografia, informazio biogeokimikoarekin edo espezie pelagikoen banaketarekin konbinatzen da, erabilitako sentsore-buruaren arabera. Sistema honek bi SEAEXPLORER glider eta hiru sentsore-buru (payload) trukagarri ditu, 0,5-1 korapiloko nabigazio-abiadurarekin.
